如果有一日, 當你感情/婚姻生活出現左問題, 你既朋友就同你講"你仲年輕, 而家仲有得揀, 而家仲唔揀下, 唔通到左老先黎揀咩", 你會點諗? 去理解呢句說話, 係有兩種解法. 對於感情破裂後作為一種安慰既說話, 這個的確會令當時人睇開d既. 但係當呢句說話作為分手/離婚的理由的話, 呢位朋友的確很不負責任.
簡單d黎睇, 要放棄一段感情, 就係去到一個感情已經再無辦法去補救的時候要做既事情. 但係, 用年紀輕仲可以慢慢揀的為分手的理由, 我想知道究竟一個人最多可以揀幾多次? 我好相信呢d人係永遠都得唔到真正既愛情. 同一道理, 將來佢就會同朋友講, 因為佢年紀大冇得再揀, 所以同而家唔鐘意既人一齊.
如果係我朋友同我講呢番說話作為分手/離婚的理由, 我只有兩個反應: 第一, 我唔會再相呢個人講既說話, 第二, 更正佢既觀念. 係感情既世界入面, 除左溝通/了解之外, 珍惜亦都係一樣好重要既元素. 你唔去形惜佢既一切, 你跟本就係未曾擁有.
係現實生活中, 我地每日都要作出各式各樣既決擇. 呢d決擇會係一d生活上既所碎事, 亦都有一d決擇係會影響到我地既一生. 至於每個人係點樣去為佢既目標而作出一個選擇, 就會因人而異. 我對decision making了解唔係咁深入, 今日我地唔講呢個話題.
但係當你為一件事作出了一個決擇之後, 而現實又與你的期望有所出入時, 你會怎樣去面對呢? 在於我來說, 我是一個從來不會作出後悔的人. 我覺得事實如此, 我地就要去面對, 去承認錯誤, 及作出補救. 我唔認同有d人總喜歡作出"回棋"的做法, 你今次覺得做錯就要"回棋", 最後可能還是原地踏步.
當然, 每一個選擇都會帶著各方的利幣. 回想當初作出決擇之時, 我相信自己一定是想過一段時間, 各方的利幣, 權行輕重之下才會作出這樣的決定. 概然自己都有去思考過, 我地係咪應該去專重自己當初的決定, 尋求解決方法去代替"回棋"的做法嗎?
今日同一個朋友傾開電話, 呢個朋友o係幾年前, 大家一齊失業期間, 佢要我對自己有信心, 要同自己講我係做得到既. 結果, 佢講完呢句說話之後冇耐, 我就搵到一份待遇唔錯既工. 佢呢句說話我當時聽落只係覺得阿Q o的, 雖然我當期時心情不是很差, 我亦都不以為然. 但係呢句說話的確會令我一世都會記住.
你會覺得佢係神嗎? 或者佢覺得自己係神嗎? 那當唔係啦, 佢冇咁既力量去改變現實, 而佢亦都冇o係我搵工期間出過一分力. 只係大家有時對於一d事情覺得係好難, 或者做唔到既, 事實上係一d難度都冇. 只係你肯唔肯去踏出第一步, 好似你連寫封求職信都懶, 咁你又點可以達到理想呢.
而今日佢同我講, 我好快就會搵到一個合適既對象. 今次我又係聽下就算, 但係我知道, 我自己要去行出第一步, 向著我的目標進發. 路, 我已經知道點行, 而家就要沿住呢條路, otherwise, 呢個目標只會離我越黎越遠……..
由細到大, 我都沒有習慣去寫日記, 之前寫過的, 大部份都是唔開心時候, 想發下勞騷而寫, 今次亦都唔例外. 一切由天文台發出今年第一個黑色暴雨警告而開始, 果日好唔開心, 冇心機做野, 我亦有一種強烈既不祥感覺.