虛擬中的現實世界

話口未完, 仲攪緊backup個blog既時候, 睇睇下雜誌, 已經有介紹一個識得auto schedule backup既website, 仲聲稱可以做埋restore添. 不過經過我一試之後, backup暫時算滿意, restore都仲係failed. 唔知係咪我個blogger既問題呢….

夜晚去左食飯, 講既話題依然離唔開股票, 旅行, 結婚, 名錶同埋感情生活…雖然百零蚊既生日飯幾平, 不過返到屋企已經肚餓…

近排部機越黎越唔穩定, 今朝仲boot左三次機都行唔到program. 我一直深信同network係有關既, 返到黎一check, 見到bind左落TCP/IP v6, 試下剷鬼左佢, 暫時算stable

本來打算開多個blog, 將我blog既野import晒入去當backup用, 點知, wordpress果個post就import到入到, 不過時間同publish個status都唔識set, 真係激死…

呢排真係好鬼多新股申請, 不過踪合左各方面既資料, 雖然d證券行推介, 我都係決定唔申請新世界百貨, 因為個鄭x純真係冇料到 , 管理亂咁黎, 間公司既形象又不太討好, 而且聽講話貴添, 所以都係唔鬼搏啦…

今晚第三次去simply thai, 仲坐window seat, 十幾樓望返落去好鬼過隱呀… 

今朝無啦啦去唔到blogsome, search返有關既post有人話大陸blog左, 不過我就覺得係個server down左, 或者間公司執左….大獲, 先兩日仲諗過做backup, 都仲未做就瓜左?!

跟據呢個post去做import/export, 暫時試過過到落local, 咁都好過冇…

http://www.blog-tutorials.com/blog-tutorial/importing-from-blogsome-to-wordpress/ 

尋晚試過搽左d bb油, 大脾今朝好似好返好多, 不過我深信淨係用bb油係唔work既…

呢鋪個太陽曬得好勁, 肚, 腳面, 大脾都曬到紅晒. 連著褲都覺得刺痛添…

等左咁耐, 終於有機會曬太陽. 而且, 跟據上年同前年既經驗, weekend有太陽既日子真係唔多, 所以今日一早就出動. 水樽仲未買, 只怪Columbia今期出埋d騎呢款, 太少女, 買唔落手, 最後帶左兩個即棄樽就算. 唔知點解, 今次太陽特別猛, 到左點半鐘, 真係唔係幾頂得順, 膊頭同膝頭都開始紅, 再曬落去唔皮膚癌都會甩皮. 都係唔好咁搏先, 下次再曬過. 由於走既時間比預期早, 買左果兩包餅都冇食就走左. Rayban副太陽眼鏡都ok, 平時睇野可能黑少少, 但係去到尋日咁曬既環境, 仲開始覺得唔夠用添, 不過暫時都算ok.

曬完好鬼死口渴, 過左去同vicky食麥記, 試左個兩層魚柳, 質素麻麻, 炸得太過濃, 只係比舊版飽肚左, 亦都有咁既需要. 悠悠閒閒食完左, 揭埋本JessicaCode, 就去ok買左支凍既Cream Soda, 補充返流失既水份. 去到佢屋企, 要沖埋d沙先, 睇埋IQ博士就閃人.

夜晚去左Langham買埋個水壺, 不過最後買左Nike, 個樣比Columbia好d, 起碼冇咁"拿"型

一早打去royal pacfic問, 原來真係冇生蠔食, 真係激死, 又要搵過去邊度食. 跟住幫vicky扮佢打去豐明同3度, 奇怪, 都唔係好難打姐. 今次冇之前咁順利, 豐明條女分明hea我, 不過是但啦, 反正都係打唔到電話先出呢招姐, 佢肯主動搵返vicky就話知佢啦. 不過呢個vicky又出賣我, 真係比佢吹脹  至於3今次又話waive, 都唔知佢會waive幾錢, 次次都做d唔做d, 搏我冇佢咁好氣, 佢就真係太低估左我啦

花左幾粒鐘去搵去邊食, 世紀內部裝修, 維景一打原來又係冇生蠔, 又唔使諗, todai同日航, 士丹福山景冇位, 朗廷$388唔抵啦. 終於比我搵到間海景嘉福, 睇返d comment似乎幾好, $308同royal pacific一樣, 不過仲做到85折同埋有生蠔.

下晝meet vicky, 佢唔知攪乜鬼鬼鼠鼠去旺角買野, 攪邊科, 講野又講一半, 激死… 之後去左龍城, 都話左藥用雪肌有好多款啦, 佢自己都r緊頭呢, 慢慢諗下自己需要美白, 收毛孔定滋潤, 再格下價啦同埋睇下其他人既comment.

我地去到, 除左冇海景睇下之外, 基本上環境都ok既. 唔崖得既vicky又腳仔軟. 去到又未夠鐘, 等左幾個字先入得. 開始第一樣就梗係試即開生蠔啦, 雖然細細隻, 不過睇落都幾新鮮, 干淨. 田螺同長腳蟹都有鮮味, 青口就同平時差唔多. 三文魚同吞拿魚都ok. 之後見到有tiramisu, 就由我第一人去拎黎食啦, 癈事臨走冇晒. 不過佢真係出到冇人再食為止, 前後起碼出左三個. 至於熱盤就麻麻地啦, 不過食Buffet都好少食熱盤既, 對我影響不大. 雪榚就用左牛奶公司, vicky就望都唔望一眼呢, 哈….真咀叼. 八點鐘仲突然有梳乎里出現, 雖然唔係好似太平館咁好食, 不過聞落都幾香既.

食完之後, 用左九牛二虎之力既vicky開始現疲態啦, 連尖東都冇行就返左屋企. 橫掂中國高速傳動星期一先last day, 等vicky填埋張form先走呢…..仲幫佢plan埋聽日唔好去沙灘添…

今日開會, d野總算過到關, 唔知點解咁順攤. 總算叫做CCCAR攪掂掛, inventory又7788. 開完會開始落手打電話book位, 點知世紀冇左buffet, 怪唔知得上次去到都見唔到有價錢, 打去維景同royal pacific都仲有位, 到時再慢慢揀啦. 個vicky好似唔太喜太子呢個地方, 咁如果royal pacific有海景睇既, 差幾十都ok既, 始終太子呢d地段, 舊京港酒店呢d地方, 兩舊幾真係唔太值.

放工同roy去左TST買巴西拖, 我就揀左合拼pattern, 都ok既, 佢就揀左metallic. 等到Lane Crawford減價, 原來呢款係冇得減, 不過都算, 有個金色袋都好. Roy對metallic又貴幾十, 又有d似女裝, 所以唔會考慮. 水樽依然未買, Columbia真係唔長進, 出埋d少女款.

拖左半年, inventory都仲未攪掂, 聽日又要開會, 又係時侯清一清d野. 對過晒d hardware, 除左張emulation card之外, 其他都總算岩數. 對到software, 有個office就應該唔係我地既, 夾埋其他新update, 又要send個Mail搵人update. 不過都總算7788, 下個月應該可以清晒呢個task.