今日真係掂, 股市升爆, 身家又創新高, 財險仲一個頂十個, 無懼跌市, 如果市升都唔知佢會點. 返工冇送車尾, 返屋企又一到車站就有車, 一上車就開車, 正.
放工夠鐘就閃, 同vicky去睇transformers. 時間緊迫, 雖然遲入場, 不過多廣告原固, 所以都冇miss到d乜. Dinner前仲因為格唔到價而冇買extra添 
套戲雖然超過兩個鐘, 不過冇咩悶場, 癈話唔多, 只係太多鐵皮打交, 睇到眼都花姐. 至於班robots, 就冇AI咁人性化啦, 至少唔似AI咁有感情戲. 之前應該冇睇過呢套卡通, 不過d名就似層相識. 睇完戲同vicky去左行尖東海旁, 個月亮好圓, 個天好清, 咁耐都冇乜好好地咁行過, 今次都算係咁lu.
雖然美國個市跌星期五都仲係跌, 不過大陸個市唔跌, 香港個市都唔會跌得去邊. 結果香港今日個表現壽仔帶領正常返晒, 財險依然號嬴壽仔, 平保表現平穩. 收市後HSBC宣佈業績, 雖然我都係股東之一, 不過事前對佢並唔樂觀. 最後都總算公佈了一個令大家都滿意既成績表出黎, 冇令大家失望. 英象同美象即時爆升, 雖然叫爆升, 不過都只係1-2%, 比起中字股暫時仲係大落後. 唔知今次係咪真係去返上升軌, 還有待觀察.
今次既事件, 我諗大家都意識到risk management既重要性, HSBC既危機應變表現好強, 值得大家學習.
一早起身就要執包袱走人, 咁好天氣, 又咁好既環境, 梗係要四圍影下相啦. 期待中既爬艇, 原來只係水上單車, 仲貴過香港咁多, 最後冇試. 個太陽真係好猛, 搵到唔少景影下之餘, 又真係曬到vicky拿晒口面. 影左一輪頂唔住都係要縮返入去便利店嘆下可樂先.
之後又係去聽d贊肋talk, 又係乜都冇買, 都唔知佢地真咪真係有得賺, 又難得導遊咁老實, 叫我地唔好叫太耐水啦, 都幾趕時間. 最後一場成團都冇買野, 哈. 跟手去左睇咩民族舞, 仲飲左杯酒添, 其實都唔係咁想飲, 不過拎到埋黎就飲埋佢啦.
今日vicky大部份時間都牛牛豆豆, 初時都仲有同佢傾計, 之後都係唔好惹佢為妙…
報團時唔覺唔覺, 去到先發現原來係贊肋團, 真係撞鬼. 去去埋埋果d咩蘆薈, 咩人參, 苓芝, 蜜糖, 對我黎講佢地講乜喊埋都sell唔到我架啦, 只係浪費左d時間去聽佢地講野姐. 不過都簡簡單單都食左個蜜糖龜令膏, 呢個都算係最有意義咯, 反正又平過香港.
hea左一輪, 終於到五/六點先至先去到酒店check-in. 呢間酒店都算古怪, 咁遲先至比人check-in. 去到個環境又真係幾好喎, 間房唔算話好大, 不過都幾企理同埋同埋先進, 話晒都五星級啦. 但係真係大獲, 第朝九點就要check-out, 唔係掛, 咁夜先黎到, 咁早就check-out, 真係攪到得個訓字, 行都仲未行晒.
啦啦聲食完飯就去左浸溫泉, 話晒都叫做溫泉酒店丫, 黎得呢度又冇理由唔去享用一下咁晒. 搭架類似哥爾夫球車去浸溫泉. 個環境又真係唔錯喎, 好過沙巴果d多多聲, 入到去, 浸左個嘻水池, 唔多對路, 即轉場去室外. 對面就有個人造沙灘, 其實都係一個戶外泳池, vicky見到就好開心啦, 我hea左一陣就話要去搵返溫泉黎浸. 行左一陣, 我地就正式去浸愛琴海, 哈, 兩個人浸岩岩好, 又可以對住個月亮, 仲有人走黎問下要唔要飲水添. 之後行行下, 發現越黎越多既溫泉, 我地跟本就浸唔晒, 最後試左, 日式, 高溫, 行石"春"池, 牛奶, 人參, 苓芝, 乜鬼都試一餐. 不過最鐘意都係愛琴海, 貪佢夠少人, 唔使同人迫同嘈住晒.
浸左一陣, 好快又要趕返去接收我地隻乞兒雞. 香港睇行程都打算要叫呢樣, 黎到仲有人推介就點都要試下. 熱騰騰既雞, 好辛苦咁拆開佢先至食到佢, 同vicky影返張相就開餐啦. 食落比想像中滑, 又唔係太麻煩姐, 總算第一次成隻雞咁黎食. 唔錯唔錯, 幾有風味.
歐美跌得咁勁, 日本開市再下潟, 香港滿江紅的場面又重現, 仲要每一隻都跌過1%. 跌得最傷都係d資源股, 紫金, 湖南有色, 中石油等, 跌過5%甚至超過一成. 保險股表現得最硬淨, 尤其係財險, 收市仲可以升, 其次係復星. 銀行股疲弱, 差d想放左工商, 最後都係賺唔夠喉留返. 不過手持咁多貨真係有d驚驚地. 但係最正既莫過於偉大既祖國都係跌一兩點, 似乎除左高官, 冇人可以狙擊到祖國大市, 而對於全球股市, 亦都有穩定既作用.
都係執下行李算啦, 都去旅行咯, 去玩下仲實際, 反正個市中線都唔怕既…
朝早入多隻1205, 話有好消息公佈喎, 即管又試一試. 點知, lunch之後, 中移突然領跌, 大家都未知發生咩事, 雖然之後都上返, 但係今日整體都係蝕. 收市就知道原來澳洲又有兩間基金爆煲, 美國方面建屋數字又唔多靚, 同埋講都講到悶既次按問題. 所以比淡友乘機突襲. 夜晚美國歐洲仲玩大跌添.
vicky阿哥原來唔係收到內幕消息, 只係有d技巧睇下報紙姐, 都好既, 呢d技巧唔太難.
今日又買左雪榚比vicky食, 放完暑假唔知佢會變成咩樣…
今朝nelson一早就話想賣左佢, 我一睇圖就覺得仲會升, 結果如我所料. 到左下晝, nelson話升得急, 都係要賣左佢, 我一睇圖, 依然係果句, 仲會再升. 佢賣左之後, 升破歷史高位, 果然升爆. 都話左架啦.
Vicky隻190又真係升爆喎, 哈, 又向富婆行烈邁進一步
諗左一輪, 最後都係book左海泉灣, 大陸唔知有咩地方好去, 長隆暫時冇興趣. 唔係唔想去澳門, 但係去得澳門就會四圍撲搵好野食, 一d都唔relax同冇渡假feel. 所以最後都係海泉灣. 反正酒店靚靚地就已經足夠, 最好果日唔好落雨啦. 影多d靚相返黎仲實際.
個市今日升得好掂, 代表作係#2328, 其餘#2318同#1398都唔少野. #5就繼續hea. 今次連vicky都入市干預呢, 的確唔係野少. 計一計d資產, 又唔係話真係多好多, 咁究竟去左邊呢…
尋晚睇唔到, 今日要作最後衝刺, 咁就schedule左七點半去排, 不過代價係要五點九起身. vicky今日都幾乖, 大家都準時去到. d人真係變態, 七點半去到買飛都已經售罄, 好彩我地係家庭套票, 仲有籌拎. 去到時打秦一下, 門口計quota既哥仔話已經399個籌, 咁即係仲有一百咁上下姐. 計埋一堆人唔經前門入場, 我地點計都應該有飛, 掂….總算冇白費心機. 見有時間, 去左附近影相, vicky仲有精神睇書. 不過影左一陣比vicky招回. 原來後面個男人short short地, 想恰佢.
八點半開始派籌, 入到去問佢地最快可以幾時, 原來有即場添, 真係爽. 等左一陣已經可以睇真跡lu, 我地呢一千就係咁以瞻仰遺容式咁輪住咁睇幅圖, 實際上睇到既唔係好多, 好彩之前果日聽左個brief, 去到都仲睇到一d重點既. 幅畫黎講又真係幾精細, 以當年既技術可以畫得咁細緻真係難得. 睇埋一堆題字, 呢d就冇咩心機睇啦, 點解d人寫字冇標點架…之後再睇返逐段既介紹, 反而對幅畫印象深d. 臨走果陣, 仲有紀念品送, 特區政府又幾有心思喎. 今日終於賺返….哈
去源記食左個早餐, 同vicky去shopping, 佢今次又竟然捱得住喎, 仲有唔少收獲添. shopping完我又開始肚餓, 點解vicky食咁少野都話飽架. 返到去又要食過, 不過又唔算食好多, 至少冇咁肚餓先啦. 又有雪榚食, vicky又牙痛, 佢唔知幾時先去睇牙呢. 呢期又食得多辣野, 所以都去welcome買左兩罐龜聆膏清下熱, 但係個龜聆膏冇糖, 食到vicky呱呱叫.
訓左一陣夜晚去左慶祝Jim拎左大大個bonus. 今個呢個老細仲拎左兩支酒出黎唔知做乜, 但係又唔記得拎Tonny本書黎. 今晚去天后間富東食飯. 原來plan左去富臨點知比Jim改左去呢間, 唔好食既要佢請多次先得. 去到既格局好迫, d野又唔係好新淨, 我地仲要入大廈上三樓, 好似去一樓一咁添, 驚驚地. 只係好在有唔少名人黎過, 應該就唔會有咩問題既.
見到Jim打算叫既餐, 睇落都算ok, 但係硬係爭咁一d野, 原來係冇魚. 諗左一輪, 最後叫左果個餐加一條瓜子魚. 擾攘左一輪, 又飲下餐酒, 又影下相, 第一道菜上翅, 食落又幾好喎, 都浸得幾透, 一排排上就最好啦. 之後就鮑魚同鵝掌海參, 個鮑魚側面就有d鯹鯹地, 入面就有d解甜既味道, 又唔錯喎. 海參就幾好, 唔苦不過唔太識食, 鵝掌幾算係咁啦. 叫左碗飯, 倒晒d汁落去唔好晒. 食埋咕嚕雞同蝦球, 唔算好名貴, 都ok啦. 條魚斤幾重四個人份量都幾好, 肉質幾滑唔會粗, 都帶點甜甜地. 而甜品就係杏仁雪蛤膏, 咁又特別過用椰汁既.
走果陣經過d地產鋪頭, 原來北角有d樓都係百七萬左右, 點解會咁平既, 唔通係兇宅? 真係要睇睇先得…
點知去到南昌肚痾….攪乜鬼…我要訓覺呀…..