WIS今日下午正式做enhancement, 過程一般順利. 一轉完之後, 試過最basic既轉password就死左, 用check point做debug, 真係個web server set錯野, 攪到我用password protect個access就死鬼左. 之後再試又發現原來改漏左一個page, 又要即時去執. 攪到六點先至開始inform人個new password. 第一次send咁多mail比management. 好彩冇咩問題, 不過反正佢地都唔係真係去睇架啦…
放左工去金鐘搵耳環, 先行太古廣場, 間間都名店, 都唔好意思入去問有冇平平地既耳環. 個vicky聽到我去左金鐘就盤左我幾句, 攪乜呢…之後去左金鐘廊, 見到一間賣好多款耳環, 價錢都算合理. 阿姐仲介紹左隻耳環比我, 我即刻反問佢果個型係唔係洋紫荊, 個款好似回歸十週耳環, 真係好似特區區祺. 最後就買左個吊住個心心既耳環比vicky啦.
本來打算買支handcream比阿媽, 點知冇貨, 咁冇計啦…
老細放兩日假, 我就上網搜尋邊隻dvd writer口啤好. 就係台灣論壇都見到唔少人提出Asus 1814BLT表現幾好. Check過價錢, Centralfield $298? 咁既價錢又好似貴左d, 不過個價錢已經係半個月前. 放工去左銅鑼灣搵耳環, 都係搵唔到, MaBelle仲咁岩annual dinner唔開. 之後仲走左去旺角添, Mabelle一樣唔開. 點知去旺角腦埸個Jumbo睇下電腦野, 隻Asus 1814BLT賣$260, 似乎又幾平喎, 睇埋Sandisk 2GB SD價錢都幾平, 唔錯.
放工同vicky去左半島咖啡室食飯. 我平時又好少去樓上咖啡室, 可能因為d朋友少去. 一入去冇咩客, 得兩個後生仔女係度招呼客人, d野食又唔算貴既. 我地就叫左大蝦拚金菇牛肉, vicky就叫肉眼扒. d薯條雖然茶同一批貨但真係好食, 麥記果d貨色真係唔掂, 上次果d仲要好多斷既添. 肉眼扒有肉汁, 都幾好, 但就唔夠金鳳果d咁爽, 唔通金鳳果d用桅打水發過?! 我既大蝦又幾好, 唔算好大隻, 都叫做唔少肉, 金菇牛肉就質素幾好咁啦. 至於我地杯野飲, 竟然兩杯都唔甜, vicky仲要落糖水添. 我杯綿花糖朱古力竟然唔甜, 奇怪…
個agnes b.終於到手啦, 個爛鬼everlast可以粗用lu. 不過vicky成日都眼訓到死, 買支可樂比佢提提神先….
一如所料開team meeting時, 我報WIS既status都咩好講, 大家亦冇野好問, 希望月尾攪得掂啦. 至於draft個mail inform users, 就要講多少少background啦. 今日又飛好多d OCR, audit plan同load test過黎comment, 聽日仲要繼續.
個市今日好似有d頂唔住, 股仔跌得比較多, 唔會咁快見頂掛…好彩2899仲頂得下…
放工去左腦場睇過dvd writer, Sony同Liteon係今期熱賣, 不過對佢地冇乜好感, 要再研究下先…
哈, Vicky隻2600岩岩先至返家鄉, 今日竟然升左三成有多, 今次又賺唔少lu. 仲有1205同2380繼續努力. 我隻2899開始有少少力水, 2318繼續生生性性, 咁個"鬥"就指日可待lu…
至於個WIS, 乜都攪掂, 就係爭在等埋supervisor個comment. 結果都係出唔切, 要等下一個meeting先complete到 
Vicky個harddisk死鬼左, 個xp要從新裝過. 死左個40G Seagate, 仲有一隻IBM 40G, 點解睇單會係160G既, 唔係比人呃呀?! 開始就裝左個xp個殼出黎比佢抄野, 結果發現最update既, 係隻死雞度, 唯有將有用既屍骸抄走埋, 然後將個c drive連根拔起. 點解我個dvd writer又會突然壞左既, 臨走時隻碟燒唔到, 連抄左果隻cdrw都好似死死地, 最後上d forum頂住先, 搵返d有用既file. 攪左一大餐, 總算順利裝完, 不過最難攪反面係個新版office 2007. 個版面都幾難用…
呢個破壞王除左部電腦壞左, chair都壤埋. 一出手就整壞埋阿妹部機, 攪乜呢….好彩都係d小病黎, 但係個死雞入面d file就冇鬼晒lu…
日終於決定左去紅磚屋, 不過去到美乎已經落大雨, 咁就無謂去紅磚屋搏命啦. 轉場去左元朗睇嚟多件衰鬼上帝. 乜元朗百老匯睇戲同市區爭咁少咋, 唔係掛?!
至於套戲呢就比預期中好, 只係主角唔係上帝, 好似比人玩咁姐. 教育意義, 可能係要大家堅持自己既信念, 逞角由反感到堅持, 的確要花費唔少心血.
睇完戲就去田中朝聖, 等左成個鐘, vicky都企到攰, 其間去左恆香買老婆餅. 都仲係第一次去呢度買野…
田中既野食都幾好, 唯一一樣唔好就係唔好叫壽司. 叫左5樣野飽到呢, 結果留返3個飯團.
咁耐都冇上黎探下我屋企, 都係時候要黎下咯. 係家姐係度我先至叫佢上黎, 如果唔係悶鬼死佢. 老豆似乎幾鐘意d香蕉榚…送左vicky返屋企, check左部機, 要裝過晒d野, 西鐵尾班趕唔到啦, 返到屋企點七..
Vicky隻2600今日終於返生唔使蝕啦. 都算係一個好開始, 下一個到1205定係2308呢….
放工去左睇耳環, J’s果d都唔錯, $6xx算唔算貴呢….今個friday終於冇shopping
唔只係我, 其他好多wm6既用家都遇到個問題就係bluetooth connect時唔識自動做埋wireless headset, 呢個係美中不足, 暫時冇solution.
今日好爽手咁買左個i.tech clip radio, $498都冇手軟. 唔係個市升返個問題, 只係成日用手托住咁大部電話黎煲粥真係有d吃力, 而且個有線子handfree又壞左. So far用落個handfree唔錯, 收音機比預期收得好, 至於藍牙總算清晰, 不過唔對咪又真係爭d. 番茄仔賣既價都算合理, 換個角度睇, d連鎖店食水真係好深.
夜晚食飯去茶記, 見怪不怪地又收少左錢, 咁又益左vicky….. 