虛擬中的現實世界

沒有扮鬼, 又冇見嚇鬼, 只見到一隻懶鬼….

一套真人真事既故事, 一個為癈除奴隸制既人物. 故事結局已經知道, 結構上冇咩特別, 不過內容都算感動. 唔夠時間食飯, 睇戲前食左一半, 睇完再去foodcourt食. 今次食MOS burger. 其實就冇咩特別, 咁多間都係OOO好食, 不過價錢差太遠啦, 好難比較.

今日做野效率好在.. 

 下畫去左vicky度睇抱擁這分鐘, 今次我依然冇喊, vicky都係. 晚夜又去稻香食飯, 都係西籣花帶子, 今餐算幾抵.

下晝去左深水步買野, 先至去mandy度. 由深水步到hungham, 沿途真係經過好多鬼地方. 真係十年都唔多會去一次. 今次去探bb帶埋相機, 大光圈影人影最適合, 不過快門總係比想像中慢.

夜晚去左去香格里拉食米線, 好飽…..

市一開就街上三萬, 今次終於企得穩啦. 雖然唔係賺好多, 甚至要止蝕, 都放左兩隻. 有d畏高唔敢入, 等下次幾時再執過.

夜晚去左Habitu食, 真係好貴….

個市日日都V, 唔識玩. 升跌都好似未搵到方向. 唔通真係靠即日仙搵食?

收心養性, 讀書好過 XDD

【明報專訊】「熊貓我不怕你，我練過空手道！」北京    一名靠撿破爛為生的15歲少年，前日（22日）突然跳入北京動物園的熊貓館，要與熊貓「比武」。但少年功夫「未到家」，結果大敗而回，雙腿更被
熊貓咬至血肉模糊。
拾荒為生 跳入熊貓館挑釁
據《京華時報》報道，前日下午，北京動物園熊貓館外的運動場內，熊貓「古古」正悠閒地散步，此時，一名衣衫襤褸的少年突然跳進場內，抓起一根竹衝向熊貓，並大叫「熊貓我不怕你，我練過空手道！」。「古古」呆了一刻後，便挺身「迎戰」，奔向該名少年。
目擊者稱，當時少年可能發覺勢色不對，轉身就跑，熊貓在後面緊追，雙方展開一輪追逐。少年後來不慎滑倒，熊貓便撲前撕咬，少年只能在地下掙扎及喊救命。危急之際，一名外籍遊客在場外用礦泉水樽擲向熊貓，熊貓受驚鬆爪，走到2米外坐下來。少年被救起時雙腿已受重傷，血肉模糊，最深的傷口更可見骨，但無性命危險。動物園管理人員稱，少年未有購票，是私自爬牆進動物園的。
熊貓「古古」身高約1.8米，體重約110公斤，去年亦有遊人跳進熊貓館內，牠受到驚擾而攻擊該名遊人。

個所謂既股災真係到喉唔到肺, 今日好快地打回原形, 尋日跌一千, 今日升一千. 2328總叫做升左少少, 不過好似冇咩力. 金管局都為求維持聯系匯率, 亦都出手沽港元買英元. 其實再買美元仲有冇意思既呢, 暫時睇只會不停篇值. 阿里巴巴表就拎左, 申請就真係麻麻地, 要再觀察一兩日先得…..

上星期五重陽, 應跌既冇跌, 加上美股仲大跌三百幾點, ADR又急跌, 普遍人都認為今日一開跌過千. 果然過千, 不過最煩莫過於你想買既股唔多跌, 咁仲執定唔執好呢?! 上半場決定放棄, 下半場突然見到2328跌快左, 呢隻股近排走勢都算幾穩定, 已經準備發A瘟, 同埋三寶係欠佢一員, 加上之前靠佢搵過食, 所以掛低少少去買, 買唔到就算. 點知收市突然急插, 咁岩比我入到. 今次個位有d高, 希望唔會摸頂啦.

大圍市況唔算太差, 美國經濟開始唔升, 不過又未到跌, 數據好壞參半, 大陸方面, 十七大之後, 宏調力度會加大, 不過睇得出大陸唔會比個市急速下滑, 嫦娥一號就快升空, 另外港匯強勢, 有大量資金流入. 我覺得同QDII一定有關, 而且仲有好多QDII排住隊黎, 基調好穩健, 再跌就再入市. 散戶普遍都覺得今日跌得少.

夜晚同vicky, 媽子去左板前食, 唔覺唔覺比我地呃左兩件壽司添. 不過食落又好似冇咩咁特別咁, 行左一陣就閃左. 點解好似冇咩睇過衫咁既?!

玩左兩日, 終歸都要抖一抖. 今日又係訓覺, 做mask, 燒碟, 抹枱. 部機冇位到連抄相都要去第個drive, 睇怕都係時侯做返d backup啦, 唔係冇晒d相喊都冇謂…